பார்த்தது - தமிழ் படம் - 5

DON - டான் ( தெலுங்கு dubbing)

நாகார்ஜுன், அனுஷ்கா, ராகவா லாரான்ஸ், நாசர், கெல்லி டூர்ஜி (உலக அழகி லாரா தத்தாவின் காதலராம் - பக்கத்தில் அமர்ந்து படம் பார்த்தவர் கொடுத்த தகவல் ) ஆகியோர் நடித்தது.

கதை திரைகதை நடனம் மற்றும் இசை ஆகிய பொறுப்புகளை இயக்குவதுடன் ராகவா லாரேன்சே சுமக்கின்றார்.

கதை ஒன்றும் பெரிய விஷயம் இல்லை. சூரி (நாகார்ஜுன்) ஒரு அநாதை. சிறுவனாக இருக்கும் போதே கஞ்சா வியாபாரியிடமிருந்து லாரென்ஸ் உட்பட பல சிறுவர்களை காக்கிறார்.

நம் ஊர் "நாயகன்" போலே ஏழை எளியவர்க்கு உதவுகிறார். அனுஷ்காவை காதலிகின்றார். அவரும் நீச்சல் உடையில் வந்து கிளு கிளுக்க வைக்கின்றார். எல்லாம் நல்லா போனா போர் அடித்து விடுமே அவருடன் கெல்லி உள்ளே வருகின்றார்.

பல மாநிலங்களை கை பற்றி விட்டு தமிழகத்தையும் கை பற்ற வருகின்றார். அவருடன் நமது "டான்" மோதுகிறார். வழக்கம் போலே ஹீரோ தான் வெற்றி பெருகின்ரார்.

முதல் பாதி சற்று மெதுவாக நகர்வது போலே இருந்தாலும் இரண்டாவது பாதியில் அதனை இயக்குனர் ஈடு கட்டி விடுகின்றார். சண்டை காட்சிகள் "MATRIX" பாணியில் அமைந்து இருக்கிறது.

உதயம் படத்தில் பார்த்தது போலவே ரொம்ப பிரெஷ் ஆக, இளமை துள்ளளுடன் இருக்கிறார் நாகர்ஜுன். மற்றபடி ஒரு நல்ல தெலுங்கு மசாலா. விரைவில் நம்ம ஊர் ஹீரோக்கள் நடித்து வரக்கூடிய சாத்தியங்கள் நிறையவே உள்ள படம்.